ترى اخرتنا كفن ابيض وقبر صغير يحتوينا

السلام عليكم ورحمه الله وبركاته....
اسمحو لي ان ادخل في الموظوع مباشره دون مقدمات
اخوكم خريج هذا العام وياللأسف تخرجنا بلا مخرج لا جامعه قبلتنا ولا وظيفه لقينا
يعني سبحان الله املي بالجامعه كان كبير منذو كنت في المتوسطه وانا احلم بالجامعه والحمد لله على كل حال مشت السنين وها انا تخرجت ولاكن شهادتي ما فادتني وخيبت املي بالعكس هانتني كثير عند اللي يسوى وما يسوى اترجاه يوظفني ؟ وليه كذا !
يعني الحمدلله انا سعودي ولا ناقصني ولا عضو من جسمي وسعيت قدرت المستطاع ولا لقيت وظيفه ولا قبول بالجامعه ... ايعقل هذا ؟
1_وواحد قال لي بيدخلني الجامعه شرط ادفع له 20000 الف

طيب نرجع لمحور حديثنا يعني النظام المعروف ابتدائي متوسط ثانوي وبعدها جامعه طيب سؤال كم فيه ثانويه بالسعوديه ؟ اكثر من 100000 الف ثانويه طيب النظام المعروف بعد الثانويه جامعه طيب كم فيه جامعه عندنا ؟
والله العظيم ينعدو على الأصابع 10 او 15 تقريبا طيب هذا اللي محيرني وسؤالي لكم اخواني ايعقل هذا خريجين 100000 الف ثانوي وين يروحو والجامعات كلها 15 جامعه؟؟
يروح يتوظف طيب وضائف مافي ولا لقينا ..الوظائف محجوزه لأهل الرشوه والواسطات واحنا لنا الله.....
سؤال يطرح نفسه شباب سعودين يدرسو باليمن ؟ يعني جامعات اليمن تتسع طلابها والطلاب السعودين واحنا جامعاتنا ؟؟
وتدرون ان في السودان 43 جامعه


والله العظيم قبل سنتين تقريبا كنت استغرب ولا اصدق عن اللي يقول انا عاطل ولا لقيت وظيفه والحين ما الومهم انا تخرجت وشفت الظلم بعيني!!
طيب الوظائف#في وظيفه لقيتها مسوق بطاقه ماستر كارت شروطهم سياره ! وانا من وين لي سياره يا حسره.
وفي وظيفه حراسات امنيه ورحت لها طاير من الفرحه بالرغم انها خائصه ولا تناسب مؤهلي ثانوي علمي ولاكن رحت على الأقل تؤكل عيش ومصاريفي اليوميه ومع الأسف بعد تصويري 6 صور ملونه واشتريت ملف علاقي وكانت قيمته سلف والله ولبست الشماغ والعطر والكشخه واخذت ايجار تاكسي 15 رايح و15 راجع وطبعا رحت مبسوط لمقر الحراسات الأمنيه وبالأخير قالو لي قد آوت طولك ووزنك مو مناسب طيب هاذي خلقه ربي يا مسلمين وابي وظيفه وشهادتي ثانويه ووو لاكن رفضو حكم القوي على الضعيف مع الأسف شهادتي صارت اهانه لي في كل مكان ولا فائده فدتها بعد 12 سنه دراسه وفي وظيفه ثانيه رحت لها والحمد لله مو ناقصني كمان ولا عضو من اعضاء جسمي ولاكن ما قبلوني والسبب اتوقع طالبين اشخاص شروطهم ان يكونو ذو شعر اشقر وشفه ورديه وعيون عسليه
(الحمد لله على كل حال)
بصرحه لعب فينا وقليل من تجده انسان بمعني الكلمه ولا اخلاص والأمانه عندهم معدومه .. ألا من رحم الله والكبر فينا زايد والكذب بعروقهم ماشي .
(((لكل ظالم ولا يخاف الله آخرتنا بكفن ابيض سبعه متر واصلي واصلك من طين)))
تصدقون املي بالجامعه اكبر من الوظيفه ومو اني ببني قصور بعد الجامعه لا والله حالي حال الأبتدائي والراتب واحد بس كان ودي ادخلها اتعلم مو من شان احصل على وظيفه وزير بعد الجامعه ودي ادخل الجامعه لأتعلم واستفيد ووظيفه الجامعي والأبتدائي وحده ألا لأهل الواااو
دخت في الجامعات ولا قبول بصراحه من حقهم الجامعات 15 والخريجين اكثر من مليون ودورت بالقطاعات الخاصه لا فائده
وكتبت اكثر من اعلان هنا بالموقع نفسه بالنص التالي (مطلوب اي وظيفه اي وظيفه لخريج ثانوي)
طلبت اي وظيفه مو كرسي دوار و5000 الاف واحد قرى اعلاني ولا احد رد
طلبي من كبير او مسؤل مخافه الله والدنيا مو دايمه له
انا مو لهدرجه باموت من الجوع ولاكن حرام الضلم وحرام اللي احنا عايشين فيه

..كان فيه برنامج امس بقناه جرس وواحد اتصل قال ان له 7 سنوات متخرج من الجامعه وجالس بلا عمل.
يعني مستحيل نلاقي وظيفه تناسب مؤهلني
(اللهم احسن خاتمتنا بس)
..لا اشكي لكم والشكوى لغير الخالق مذله ولاكن حبيت ان اعطيكم نبذه مختصره عن هذا الوطن الغالي وعدم المراقبه..
((عزيزي الطالب انجح لتنال اهانتك بالآخر ))
اعذروني اخواني هذا رائي وسامحوني لو اخطيت او كان كلامي مو مرتب
بالنسبه لي مقتنع بكلامي اللي قلته وصحيح 100%
ولاكن احب ان اسمع منكم؟ هل من مؤيد لكلامي وهل انا اخطأت لابشي من اللي قلته او اصبت بشي ؟

هذه كلمااااات اعجبتني فنقلتها لكم

وصل اللهم على سيدنا محمد